Home  > News  >  News Details
മാരുതി ആള്‍ട്ടോ സ്പെഷല്‍ എഡിഷന്‍
സ്വന്തം ലേഖകന്‍
Posted on: Saturday, Oct 01, 2016   9:00 AM


മാരുതി ആള്‍ട്ടോയുടെ സ്പെഷല്‍ എഡിഷന്‍ വിപണിയിലെത്തി. ക്രിക്കറ്റ് താരം ധോനിയുടെ ജീവചരിത്രം പറയുന്ന എംഎസ് ധോനി: ദ അണ്‍ ടോള്‍ഡ് സ്റ്റോറി എന്ന ചലച്ചിത്രത്തെ പിന്തുണച്ചാണ് പ്രത്യേക പതിപ്പിനെ മാരുതി സുസൂക്കി അവതരിപ്പിച്ചത്. ആള്‍ട്ടോ 800 ന്റെ എല്‍എക്സ്‍ഐ വകഭേദത്തിലും ആള്‍ട്ടോ കെ 10 ന്റെ എല്‍എക്സ്‍ഐ , വിഎക്സ്‍ഐ വകഭേദങ്ങളിലും സ്പെഷല്‍ എഡിഷന്‍ ലഭ്യമാണ്. കൊച്ചിയിലെ എക്സ്‍ഷോറൂം വില ആള്‍ട്ടോ 800- 3.41 ലക്ഷം രൂപ (സാധാരണയിലും 16,777 രൂപ അധികം) , ആള്‍ട്ടോ കെ 10 എല്‍എക്സ്‍ഐ 3.71 ലക്ഷം രൂപ , വിഎക്സ്‍ഐ -3.88 ലക്ഷം രൂപ ( 12,777 രൂപ അധികം).


എംഎസ് ധോണിയുടെ കയ്യൊപ്പുള്ള ബോഡി ഗ്രാഫിക്സ് , ധോനിയുടെ ഇഷ്ട നമ്പരായ ഏഴ് ആലേഖനം ചെയ്ത സീറ്റ് കവറുകള്‍ , ഓക്സിലറി ഇന്‍പുട്ടുള്ള എംപിത്രീ , യുഎസ്ബി ഓഡിയോ സിസ്റ്റം , സ്റ്റിയറിങ് വീല്‍ കവര്‍ , ഡോര്‍ സില്‍ ഗാര്‍ഡ് , ഇന്റീരിയറിന് പ്രത്യേക ലൈറ്റിങ് എന്നിവ സ്പെഷല്‍ എഡിഷന്റെ പ്രത്യേകതകളാണ്.


ഇന്ത്യയിലെ ഏറ്റവും വില്‍പ്പനയുള്ള കാര്‍ എന്ന പദവി 12 വര്‍ഷത്തിലേറെയായി മാരുതി ആള്‍ട്ടോയ്ക്കാണ്. 2000 സെപ്റ്റംബറില്‍ വിപണിയിലെത്തിയ ആള്‍ട്ടോ ഇതിനോടകം 30 ലക്ഷത്തിലേറെ എണ്ണം നിരത്തിലിറങ്ങിയിട്ടുണ്ട്.



Related Stories





TOP
Designed and developed by EGGS